Իսրայելը հրաժարվել է համագործակցել պաղեստինցիների նկատմամբ չարաշահումները հետաքննող ՄԱԿ-ի հանձնաժողովի հետ
Իսրայելը հրաժարվել է համագործակցել պաղեստինցիների նկատմամբ չարաշահումները հետաքննող ՄԱԿ-ի հանձնաժողովի հետ՝ հայտարարելով, որ հետաքննությունը եւ նրա ղեկավարը «անարդարացիորեն կողմնակալ են» Իսրայելի նկատմամբ, հաղորդում է AP-ը։
Հանձնաժողովի ղեկավար Նավի Փիլեին ուղղված նամակն էլ ավելի է սրել Իսրայելի եւ ՄԱԿ-ի կողմից աջակցվող Մարդու իրավունքների խորհրդի հարաբերությունները:
«Իմ երկրի եւ ցանկացած անկողմնակալ դիտորդի համար պարզ է, որ պարզապես հիմքեր չկան ենթադրելու, որ Իսրայելը խելամիտ, արդար եւ ոչ խտրական վերաբերմունք կստանա Խորհրդի կամ այս հետաքննող հանձնաժողովի կողմից»,- ասվում է նամակում, որը ստորագրել է ՄԱԿ-ում եւ Ժնեւի միջազգային կազմակերպություններում Իսրայելի դեսպան Մեյրավ Էյլոն Շահարը։
Խորհուրդն անցած մայիսին ստեղծել է երեք հոգուց բաղկացած հետաքննող հանձնաժողով՝ Գազայի հատվածում Իսրայելի եւ ՀԱՄԱՍ-ի միջեւ 11-օրյա պատերազմից օրեր անց: Մարտական գործողությունների ընթացքում զոհվել է ավելի քան 260 պաղեստինցի, այդ թվում՝ բազմաթիվ կանայք եւ երեխաներ։ Իսրայելում 14 մարդ է զոհվել։
Այդ ժամանակ ՄԱԿ-ի Մարդու իրավունքների գերագույն հանձնակատար Միշել Բաչելեթն ասել է, որ Իսրայելի գործողությունները, այդ թվում օդային հարվածները քաղաքացիական շրջանների ուղղությամբ, կարող են ռազմական հանցագործություն լինել:
Իսրայելը վաղուց մեղադրում է ՄԱԿ-ին եւ հատկապես Մարդու իրավունքների խորհրդին կողմնակալության մեջ:
Իսրայելը նաեւ բազմիցս մերժել է պատերազմի ընթացքում իր գործողությունների եւ պաղեստինցիների նկատմամբ իր վերաբերմունքի հետաքննության միջազգային կոչերը: Հաագայի Միջազգային քրեական դատարանը հետաքննություն է սկսել Իսրայելի հնարավոր ռազմական հանցագործությունների վերաբերյալ, որոնք, Իսրայելի պնդմամբ, մոտիվացված են «հակասեմիտականությամբ» եւ հանդիսանում են «դելեգիտիմիզացիայի» միջազգային արշավի մի մասը:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները