«Ժողովրդի ծառա». Պետդումայի կողմից ԼԺՀ-ի եւ ԴԺՀ-ի ճանաչումը Մինսկի համաձայնագրերի ոչնչացման բացահայտ քայլ է
Ուկրաինական «Ժողովրդի ծառա» կուսակցությունում հայտարարում են, որ ՌԴ նախագահ Վլադիմիր Պուտինին ուղղված Պետդումայի դիմումը՝ կապված Ուկրաինայի Լուգանսկի եւ Դոնեցկի մարզերի ժամանակավոր օկուպացված տարածքների ճանաչման հետ, Մինսկի համաձայնագրերի ոչնչացման բացահայտ քայլ է։ Այս մասին Facebook-ում հայտնել է «Ժողովրդի ծառա» խմբակցության փոխնախագահ Եվգենյա Կրավչուկը, հաղորդում է Ուկրինֆորմը։
«Բացարձակ զայրացուցիչ է Ռուսաստանի Դաշնության Պետական Դումայի քվեարկությունը՝ Պուտինին դիմելու համար, որի հիման վրա պետք է ճանաչվեն ինքնահռչակ ԴԺՀ-ն եւ ԼԺՀ-ն։ Մի կողմից, ագրեսորն ընդունում է իր մասնակցությունը բանակցային գործընթացի խաթարմանը։ Մենք խոսել ենք այդ մասին, նրանք դա ապացուցել են։ Սա ինքնաբացահայտում է»,- ընդգծել է Կրավչուկը։
Նրա խոսքով՝ ավելի լայն համատեքստում այս որոշումը Ռուսաստանի կողմից բացահայտ քայլ է Մինսկի համաձայնագրերի ոչնչացման ուղղությամբ։
«Անկասկած, Ռուսաստանը պատասխան կստանա աշխարհից։ Օկուպացիոն կառույցների ճանաչման մասին նույնիսկ խոսելը Ռուսաստանի դե ֆակտո եւ դե յուրե դուրս գալն է Մինսկի համաձայնագրերից», - ընդգծել է Կրավչուկը։
Նա նշել է, որ քվեարկությունը կարելի է ցինիկ համարել՝ Գերմանիայի կանցլեր Օլաֆ Շոլցի եւ Պուտինի բանակցությունների ֆոնին։ «Դիվանագիտական լեզվով ասած՝ սա ծաղրանք է գերմանական կողմի նկատմամբ»,- նշել է պատգամավորը։
«Իհարկե, ագրեսոր երկրի պահվածքը որեւէ ուժ չի ունենա եւ աջակցություն չի ստանա։ Էժան շանտաժը կփչացնի իրավիճակը միայն Ռուսաստանի համար։ Մենք չենք նահանջի մեր սկզբունքային դիրքերից, եւ Ռուսաստանը ստիպված կլինի հանդուրժել հետեւանքները»,- ընդգծել է Կրավչուկը։
Հիշեցնենք, որ փետրվարի 15-ին ՌԴ Պետդուման աջակցել է Պուտինին ուղղված դիմումը՝ ԼԺՀ-ի եւ ԴԺՀ-ի ճանաչման վերաբերյալ:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԱՄՆ-ի գործողությունները Հորմուզի նեղուցում փակուղի են. Արաղչի
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա