Բրիտանացի մարշալը հարեւաններին է ներկայացել մերկ հետույքով եւ հեռացվել ծառայությունից

Մեծ Բրիտանիայի Թագավորական Ռազմաօդային ուժերի փոխհրամանատար Էնդրյու Թրները հեռացվել է ծառայությունից իր այգում բաց հետույքով զբոսնելու պատճառով, տեղեկացնում է The Sun-ը։

Բրիտանացի զինվորականի դեմ ոստիկանությանը բողոքել են նրա հարեւանները, որոնք վախեցել են տեսածից։ Նրանց խոսքով՝ Թրները մերկ կանգնած էր այգում եւ նայում էր իրենց։ Հետո նա շրջվել է եւ, ոչնչով չծածկվելով, գնացել տուն։ Մարշալի Բերքշիրի տունը գնահատվում է 1,4 մլն ֆունտ սթեռլինգ։

Ծառայությունից զրկված զինվորականին ոստիկանությունում հարցաքննել են։ Ավելի ուշ մարշալին պարտավորեցրել են ներողություն խնդրել հարեւաններից։ Նա նամակ է գրել, որը բաղկացած էր մեկ տողից, ինչը չի գոհացրել տուժածներին։ Հաղորդագրությունում ՌՕՈւ բոլոր հրամանատարներին տեղեկացվել է, որ Թրները պաշտոնազրկվել է անձնական հանգամանքների պատճառով։

Թագավորական ՌՕՈւ կայքի համաձայն՝ Թրները սովորել է Օքսֆորդում եւ Լոնդոնի Թագավորական քոլեջում։ Նա ստացել է միջազգային հարաբերությունների մագիստրոսի, ռազմավարական հետազոտությունների մագիստրոսի աստիճան եւ օվկիանոսագիտության ու տիեզերագիտության ոլորտի մասնագետի առաջին աստիճան։ Որպես օդաչու նա թռել է 87 տեսակ օդանավերով՝ կարիերայի ընթացքում կատարելով ավելի քան 5100 ժամ թռիչք։