Ռուս-ուկրաինական պատերազմի հավանականությունը մոտ է զրոյին

Հակառակ այն պնդումներին, անգամ արեւմտյան որոշ երկրների համոզվածությանը, թե ռուս-ուկրաինական պատերազմն անխուսափելի է եւ այն սկսվելու է առաջիկա օրերին կամ գոնե շաբաթներին, Միջազգային հարաբերությունների հարցերով ռուսաստանյան խորհրդի ղեկավար Անդրեյ Կորտունովը վստահ է, որ պատերազմի հավանականությունն աննշան է, մոտ զրոյին:

«Ինձ թվում է, որ ամեն ինչ ծայրահեղ չէ եւ պատերազմական գործողությունների հավանականությունն աննշան է, բայց դա չի նշանակում, որ մենք կարող ենք հանգիստ լինել: Բանն այն է, որ նյարդային այս վիճակը կարող է հանգեցնել իրավիճակի ոչ կանխամտածված սրմանը: Տեխնիկական անսարքություն, մարդկային գործոն, իրավիճակի եւ հակառակորդ ուժերի գործողությունների ոչ ճիշտ գնահատում: Այս ամենը, որը բազմաթիվ անգամ տեղ է գտել պատմության ընթացքում, կարող է հանգեցնել պատերազմի, որը ոչ ոք չի ուզում»,- ասել է Կորտունովը: