Գենադի Զյուգանովը հոսպիտալացվել է

Ռուսաստանի Դաշնության Կոմունիստական կուսակցության նախագահ Գենադի Զյուգանովը մի քանի օրով տեղափոխվել է հիվանդանոց պրոֆիլայտիկայի համար: Նրա հոսպիտալացման մասին հայտնել է կուսակցության մամուլի ծառայության ղեկավար Ալեքսանդր Յուշչենկոն, գրում է «Ինտերֆաքսը»:

Քաղաքական գործիչը նման որոշում է կայացրել՝ հաշվի առնելով համաճարակաբանական իրավիճակը, ինչպես նաեւ վերջին տարիների ընթացքում տարած վիրահատական միջամտությունները, հավելել Է Յուշչենկոն։

Նրա խոսքով՝ իր պաշտոնի հետ կապված՝ Կոմկուսի առաջնորդը շփվում է բազմաթիվ մարդկանց հետ։ Վերջին ժամանակներս նա մրսածության նշաններ է ունեցել, այդ պատճառով, ռիսկերը բացառելու համար, նա պառկել է հիվանդանոց, ճշտել է մամուլի քարտուղարը։