Բայդենը որոշել Է Աֆղանստանի գումարը տալ սեպտեմբերի 11-ի ահաբեկչության զոհերի ընտանիքներին
ԱՄՆ նախագահ Ջո Բայդենը որոշել է կարգադրություն հրապարակել, համաձայն որի Աֆղանստանի Կենտրոնական բանկի յոթ միլիարդ դոլարի չափով բոլոր ակտիվները, որոնք պահվում են ամերիկյան բանկերում, Վաշինգտոնի արտակարգ տնօրինության տակ կանցնեն: Այս մասին գրում է The New York Times-ը՝ վկայակոչելով իր աղբյուրները։
Հրատարակության տեղեկատվության համաձայն՝ Սպիտակ տունը ծրագրում է բաժանել այդ գումարը. 3,5 մլրդ դոլար կհատկացնեն 2001 թվականի սեպտեմբերի 11-ի ահաբեկչության զոհերի ընտանիքներին եւ հարազատներին, իսկ երկրորդ կեսը կծախսեն Աֆղանստանին հումանիտար օգնություն տրամադրելու համար: Այս քայլի մասին, NYT-ի տվյալներով, կհայտարարվի փետրվարի 11-ին։
Նման միջոցի հաշվին, ինչպես նշում է հրատարակությունը, Վաշինգտոնը պլանավորում է լուծել «իրավաբանական, քաղաքական, արտաքին քաղաքական եւ հումանիտար խնդիրների խճճված հանգույցը, որոնք կապված են Աֆղանստանում 20-ամյա պատերազմի ավարտի հետ»: