Կորոնավիրուսով վարակված ճապոնացի արքայադստեր մոտ թոքաբորբ է ախտորոշվել
Բժիշկները թոքաբորբ են ախտորոշել Ճապոնիայի կայսերական ընտանիքի 38-ամյա արքայադուստր Յոկոյի մոտ, ով փետրվարի 8-ին հոսպիտալացվել էր կորոնավիրուսով, հայտնում է Kyodo-ն։
Նշվում է, որ, դրա հետ կապված, նա տեղափոխվել է Տոկիոյի համալսարանական հիվանդանոց։
NHK հեռուստաալիքի տվյալներով՝ արքայադստեր մոտ առկա են միջին ծանրության թոքաբորբի ախտանիշներ։
Յոկոն նախկին կայսր Ակիհիտոյի զարմիկ, արքայազն Տոմոհիտոյի երկրորդ դուստրն է, նրա հայրը 2012 թվականին է մահացել։