Քանյե Ուեսթն ու Ջուլիա Ֆոքսն ազատ հարաբերություններ ունեն եւ հանդիպում են այլ մարդկանց հետ
Ռեփեր Քանյե Ուեսթն ու դերասանուհի Ջուլիա Ֆոքսն ազատ հարաբերություններ ունեն, հայտնում է Page Six-ը՝ վկայակոչելով աղբյուրին զույգի շրջապատից։ Ուեսթն ու Ֆոքսը հանդիպում են նաեւ այլ մարդկանց հետ․գլխավորն ինչ-որ մեկի հետ լուրջ հարաբերություններ չսկսելն է։
«Նրանք պարզապես ցանկանում են երջանիկ լինել, այդ պատճառով նույնիսկ կարող են իրենց թույլ տալ դուրս գալ հանրային նորմերի շրջանակներից։ Նրանց կապը դուրս է սովորական նորմերի սահմաններից։ Խանդ կամ վատ մթնոլորտ չկա»,- ասել է պարբերականի զրուցակիցը։
Նշվում է, որ 32-ամյա Ֆեքսը հանդիպում է «առեղծվածային անծանոթի» հետ, իսկ ռեփերը ժամանակ է անցկացնում 24-ամյա մոդել Չեյնի Ջոնսի հետ, որին օգտատերերը համեմատում են նրա նախկին կնոջ՝ Քիմ Քարդաշյանի հետ։
Ջուլիա Ֆեքսն ու Քանյե Ուեսթը, որն այժմ ամուսնալուծվում է իր չորս երեխաներից մորից՝ Քիմ Քարդաշյանից, միասին պապարացիների տեսախցիկների առաջ հայտնվել էին հունվարի սկզբին։ Մի քանի օր անց զույգը հաստատել էր, որ սիրավեպ ունի, ավելի ուշ սիրահարները ճաշել են Մադոննայի հետ։