«Մենք առաջ ենք գնում». Մակրոնի գրառումը՝ հայ գերիների վերադարձի մասին

Ֆրանսիայի նախագահ Էմանուել Մակրոնը թվիթերի իր էջում անդրադարձել է հայ գերիների վերադարձին։

«Ադրբեջանն ազատ է արձակել ութ հայ գերիների և Բաքվից տեղափոխել Երևան։ Նրանք վերամիավորվում են իրենց ընտանիքներին, որոնցից մի քանի ամիս բաժանված էին։ Շնորհակալություն մեր դիվանագետներին, ինչպես նաև այս գործողության մասնակից զինվորականներին։ Մենք առաջ ենք գնում»,- գրել է նա։

Հիշեցնենք, որ ՀՀ ԱԳՆ-ի հաղորդագրության համաձայն, 8 հայ ռազմագերիներ վերադարձել են հայրենիք Ֆրանսիայի նախագահ Էմանուել Մակրոնի և Եվրոպական խորհրդի նախագահ Շառլ Միշելի միջնորդությամբ:

Huit détenus arméniens ont été remis en liberté par l’Azerbaïdjan et transférés de Bakou vers Erevan. Ils retrouvent leurs familles dont ils étaient séparés depuis plusieurs mois. Merci à nos diplomates ainsi qu’à nos militaires mobilisés dans cette opération. On avance ! https://t.co/7IVoxX7b9q pic.twitter.com/ho1cxIHWco

— Emmanuel Macron (@EmmanuelMacron) February 7, 2022