Ջիջի Հադիդն առաջին անգամ մեկնաբանել է Զեյն Մալիկի հետ բաժանումը

Նախորդ աշնանը հայտնի էր դարձել Ջիջի Հադիդի եւ Զեյն Մալիկի բաժանման մասին։ Պատճառը՝ երգչի եւ մոդելի մոր՝ Իոլանդա Հադիդի միջեւ կոնֆլիկտն էր։ Պարզվել է, որ Մալիկը ձեռք է բարձրացրել նրա վրա։ Նախօրեին մոդելն առաջին անգամ մեկնաբանել է իր երեխայի հոր հետ հարաբերությունների խզումը։

Ջիջին դարձել է InStyle մարտյան համարի հերոսուհին։ Լրագրողների հետ զրույցում մոդելը պատմել է, որ մի քանի դաս է սովորել նախկին սիրեցյալի դավաճանությունից հետո։ «Երբ մենք ժամանակ ենք անցկացնում մարդկանց հետ, պետք է պարզապես գնահատել դա, ընդունել եւ փորձել ինչ-որ օգտակար բան քաղել այդ պահերից։ Նույնիսկ, եթե ծանր ու բարդ է, ապա դրանում հրաշալի բան գտեք», - ասել է նա։

Մոդելը նաեւ պատմել է, որ դուստրն ապագայում ինքն է որոշելու, թե ինչ մասնագիտություն ընտրի։ «Գիտեք, նա կանի այն, ինչ ուզում է։ Նա կարող է լինել նույնիսկ տիեզերագնաց, եթե նա ցանկանա դա։ Չգիտեմ», - հավելել է մոդելը։