Ուկրաինան առաջարկել է Ադրբեջանին օգտագործել իր գազի պահեստները
Ուկրաինայի էներգետիկայի փոխնախարար Յարոսլավ Դեմչենկովն առաջարկել է Ադրբեջանին օգտագործել ուկրաինական գազի պահեստները։ Նրա խոսքով՝ «դա կնպաստի Եվրոպայի էներգետիկ անվտանգությանը», հաղորդում է Life.ru-ն:
«Անդրբալկանյան խողովակաշարով իրականացվող փոխանցումները և Ուկրաինայում հսկայական ստորգետնյա գազի պահեստարանների օգտագործումը կարող են նպաստել Ադրբեջանից ԵՄ գազի մատակարարումների ավելացմանը և էլ ավելի ամրապնդել բնական գազի մատակարարման հուսալիությունը տարածաշրջանում», - ասել է Դեմչենկովը:
Նա հավելել է, որ Բաքուն Կիևի ռազմավարական գործընկերն է էներգետիկ ոլորտում, հատկապես՝ նավթագազային համալիրի զարգացման գործում։