Հայաստանում կիրառվող որեւէ պատվաստանյութ գրանցված չէ․ Զոհրաբյան
Հայաստանում կիրառվող որեւէ պատվաստանյութ գրանցված չէ։ Այս մասին ֆեյսբուքյան իր էջում գրել է Փաստաբանների պալատի նախկին նախագահ, «Ազատ կամք» նախաձեռնության համահիմնադիր Արա Զոհրաբյանը՝ հրապարակելով իր հարցմանն ի պատասխան Առողջապահության նախարարությունից ստացված պատասխանը։
«Պատվաստանյութերի (դեղերի) գրանցման ժամանակ ստուգվում է պատվաստանյութերի անվտանգությունը, արդյունավետությունը և որակը՝ գիտականորեն հիմնավորված չափանիշներով:
Այս փաստաթուղթը հրապարակում եմ այն մարդկանց համար, ովքեր չգիտեն, որ Հայաստանում կորոնավարակի դեմ պատվաստանյութերը գրանցված ՉԵՆ:
Ինչպես գրանցվեն, երբ պատվաստանյութերը չեն անցել ամբողջական կլինիկական փորձարկումները:
Իսկ չգրանցված և կլինիկական փորձարկումների փուլում գտնվող պատվաստանյութերն ընդունելով, արդյոք չենք դառնում էժան, կամ ավելի ճիշտ անվճար փորձարկվող:
Սահմանադրության 25-րդ հոդվածի համաձայն՝ ոչ ոք չի կարող առանց իր ազատ և հստակ արտահայտած համաձայնության ենթարկվել գիտական, բժշկական կամ այլ փորձերի:
«Դեղերի մասին» օրենքի 14-րդ հոդվածի համաձայն՝ փորձարկվողը (օրինական ներկայացուցիչը) պետք է գրավոր տեղեկացված լինի փորձարկվող արտադրանքի, դրա անվտանգության, սպասվող արդյունավետության, վտանգի չափի, փորձարկման պայմանների, նպատակի, տևողության, առողջությանը վնաս հասցնելու դեպքում պատվիրատուի գործողությունների, կյանքի և առողջության ապահովագրության պայմանների, նրա մասնակցության գաղտնիության ապահովման երաշխիքների մասին:
Սիրելի հայրենակիցներ, եթե ի վերջո ցանկանում եք պատվաստվել, ապա պահանջեք, որպեսզի ձեզ հետ պետությունը պայմանագիր կնքի, ներառելով ձեր կյանքի և առողջության ապահովագրության պայմանները: Հակառակ դեպքում, հետո կարող է ասել, կամավոր եկել ու պատվաստվել եք ձեր սեփական ռիսկով:
ԵՍ ԵՎ ԻՄ ԸՆՏԱՆԻՔԸ ՀՐԱԺԱՐՎԵԼՈՎ ՀՐԱԺԱՐՎՈՒՄ ԵՆՔ ԼԻՆԵԼ ՓՈՐՁԱՐԿՎՈՂ»,- նշել է Զոհրաբյանը:
70 հազարից՝ մինչև 2 մլն դրամ․ խստացվում են կառուցապատողների նկատմամբ տուգանքները (տեսանյութ)
Ծաղկունքում հարյուրավոր գլուխ ոչխարներ են անկել
Սիրո անունը Հայաստան է
Արհեստական բանականության միջազգային օլիմպիադայում հաջողությամբ հանդես եկած հայ դպրոցականները ներկայա...
COP17-ի օրերին ճանապարհներ են փակվելու, մի քանի օր պետական համակարգը կանցնի հեռավար աշխատանքի. Փաշին...
Մեր դպրոցներում չպետք է հնչեն բաներ, որոնք հակասում են իրական Հայաստանի գաղափարախոսությանը. Փաշինյան
ՇՀԿ գլխավոր քարտուղարը կոչ է արել տրանսպորտային երթուղիների միասնական համակարգ ստեղծել ԵԱՏՄ-ի հետ
Վարշավայի Սիլեզյան-Դանբրովսկի կամուրջը սեպտեմբերի 21-ին կլուսավորվի ՀՀ դրոշի գույներով
Ռուսական 102-րդ ռազմաբազան Հայաստանի անվտանգության համար չունի կենսական նշանակություն. Փաշինյան
Խաղի մեկնարկը կարող էր ճակատագրական լինել թիմի համար. Բրայան Պրիսկե