Ոչնչացվել է ԻՊ պարագլուխը․ հայտարարել է ԱՄՆ նախագահը
Ամերիկյան զինվորականները իրականացրել են հակաահաբեկչական գործողություն Սիրիայի հյուսիս-արեւմուտքում եւ ոչնչացրել են «ԻՊ» խմբավորման պարագլուխ Աբու Իբրահիմ ալ Հաշիմի ալ Կուրայիշիին։ այս մասին հայտարարել է ԱՄՆ նախագահ Ջո Բայդենը՝ Սպիտակ տան տարածած հայտարարության համաձայն։ «Նախորդ գիշեր իմ հրահանգով ամերիկյան զինված ուժերը անցկացրել են հակաահաբեկչական գործողություն Սիրիայի հյուսիս-արեւմուտքում, որպեսզի պաշտպանեն ամերիկացի ժողովրդին եւ մեր դաշնակիցներին, ու աշխարհը դարձնեն ավելի անվտանգ»,- ասված է հայտարարության մեջ։ Բայդենի հայտարարությամբ, ամերիկյան ուժերը կորուստներ չունեն։