«Թուրքիայի հարձակումն Այն Դիվարի և Դերիքի վրա պատերազմ հայտարարել է նշանակում». Մազլում Քոբանի
Սիրիայի դեմոկրատական ուժերի գլխավոր հրամանատար Մազլում Քոբանին (Մազլում Աբդի) «պատերազմի հայտարարում» է որակել Սիրիայի հյուսիսում իրենց ուժերի դեմ Թուրքիայի զինուժի իրականացրած ավիահարձակումը։ Նա այդ մասին գրառում է կատարել Twitter-ի իր էջում, փոխանցում է ermenihaber-ը։
«Թուրքիայի կողմից Այն Դիվարի և Դերիքի ռմբակոծության հետևանքով քաղաքացիական անձինք և մարտիկներ են զոհվել։ Բացի այդ խոցվել է հանրային ենթակառուցվածքը՝ այդ թվում մեկ ամբարտակ և էլեկտրակայան։ Այս հարձակումը պատերազմի հայտարարում է նշանակում, վտանգի է ենթարկում քաղաքացիական անձանց և խարխլում է մեր պայքարը Իսլամական պետության դեմ»,-նշել է Քոբանին և հավելել․
«Քանի որ ահաբեկչական սպառնալիքը մեծանում է, Թուրքիայի կողմից նման հարձակումները կանխելու պատասխանատվությունն ընկնում է մեր կոալիցիոն գործընկերների վրա»։
Հիշեցնենք, որ փետրվարի 2-ին Թուրքիայի ազգային պաշտպանության նախարարությունը հայտնել էր, որ «Ձմեռային արծիվ» գործողության շրջանակում ավիահարձակում է իրականացրել Իրաքի և Սիրիայի հյուսիսում՝ Դերիքի, Սինջարի և Քարաջաքի շրջաններում գտնվող «Քրդական բանվորական» կուսակցության (PKK), Ժողովրդական պաշտպանության ստորաբաժանումների (YPG) և «այլ ահաբեկչական տարրերի» դեմ։
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով
Սիթի ՍՊ ընկերության մի քանի աղցանի արտադրությունը կասեցվել է
Սամվել Կարապետյանին կալանավորելու միջնորդություն է ներկայացվել
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
Էլեկտրաէներգիայի ընդհատումներ կլինեն Երևանում և մարզերում․ հասցեներ