Բորիս Շերբակովին կրկին կորոնավիրուսով հոսպիտալացրել են
Ռուսաստանի ժողովրդական արտիստ Բորիս Շերբակովը կորոնավիրուսով հոսպիտալացվել է, հայտնում է «Ինտերֆաքսը»՝ վկայակոչելով նրա կնոջ՝ դերասանուհի Տատյանա Բրոնզովայի խոսքերը։
Նրա խոսքով՝ բժիշկներ թատրոնի եւ կինոյի 72-ամյադերասանի մոտ COVID-19 են հայտնաբերել, սակայն նա ապաքինվում է։ «Նա իրեն այնքան էլ լավ չէր զգում, վերադարձել էր Դոնի Ռոստովում նկարահանումներից․ կա՛մ օդանավակայանում, կա՛մ որեւէ այլ տեղում է վարակվել։ Սակայն արդեն երեկ թեստի արդյունքը բացասական էր»,- պատմել է Բրոնզովան։
Նա ընդգծել է, որ ամուսինը պատվաստվել է կորոնավիրուսի դեմ, այդ պատճառով հիվանդությունը թեթեւ է ընթացել։
2021թ․-ի հոկտեմբերին Բորիս Շերբակովը հոսպիտալացվել էր միջին ծանրության պնեւմոնիայով։ Այդ ժամանակ կորոնավիրուսը չէր հաստատվել։