Դուք նպաստում եք ստվերային ռեստորանների և հյուրատների զարգացմանն ու ծաղկմանը. Նազարյանը՝ նախարարին

Բազմաթիվ տնտեսվարողներ են դիմել ինձ՝ հասկանալու ո՞րն է կառավարության նպատակը հիմնահատակ քարուքանդ անելու այդ ոլորտը, թե ի՞նչ նպատակ են հետապնդում, եթե իրոք նպատակը համավարակի կանխումն է, ապա առաջին հերթին կարգուկանոն պետք է հաստատվեր տրանսպորտում։ Այս մասին ԱԺ-ում դիմելով ԱՆ նախարար Անահիտ Ավանեսյանին ասաց «Հայաստան» խմբակցության պատգամավոր Գեղամ Նազարյանը։

«Թե դա չի արվում, ուրեմն մնացածը այլ նպատակներ են հետապնդում։ Եվ բոլորը ցանկանում են հասկանալ , թե որն է ձեր սահմանափակումների իմաստը, որը քարուքանդ կանի առանց այն էլ նախկին սահմանափակումներից ուշքի չեկած ոլորտը»,-ասաց Նազարյանը։

Ի պատասխան նախարարը նշեց, թե այդ սահամնափակումներով կանխում են կորոնավիրուսի տարածումը և ցանկանում են չունենալ այնպիսի իրավիճակ, որ ստիպված լինեն գնալու համատարած լոքդաունների։

«Դուք նպաստում եք ստվերային ռեստորանների և հյուրատների զարգացմանն ու ծաղկմանը, ինչպես Իտալիայում և Ֆրանսիայում։ Դուք հարկ չեք համարել ուսուսմնասիրել եվրոպական փորձը»,- նկատեց պատգամավորը։