Աշխատողներն իրենց միջոցներով ՊՇՌ թեստ հանձնելու պարտականություն չունեն, դա հակասահմանադրական ճանանչվեց․Վարդեւանյան
Աշխատողները իրենց միջոցներով ՊՇՌ հետազոտումների պարտականություն չունեն, որովհետև այն հակասահմանադրական ճանանչվեց։ Այս մասին ՍԴ-ում լրագրողների հետ զրույցում հայտարարեց ԱԺ «Հայաստան» խմբակցության պատգամավոր Արամ Վարդևանյանը՝ անդրադառնալով ՍԴ որոշմանը։
«ԱՆ հայտնի հրամանի խնդիրն այն էր, որ ՀՀ բոլոր աշխատողների վրա պարտականություն էր դրված, որ մարդիկ իրենց միջոցների հաշվին անեն ՊՇՌ հետազոտությունը, այն դեպքում, երբ սոցիալական վիճակն այսքան բարդ է։ Սա մեր դիմումի անկյանքարերից մեկն էր, և չափազանց կարևորում եմ, որ ՍԴ-ն իրականացրեց սահմանադրական արդարադատություն։ Մյուս կողմից, ցավ եմ արտահայտում, որ ամենասկզբից բոլորին հորդորել ենք չանել նման բան, որովհետև հակասահմանադրական է։ Նույնիսկ ասում էին՝ կարող են մի շարք հիմնավորումներ բերել, որ սահամանդրական է, հիմա տեսանք, երբ ասում էին՝ առանց ԱԺ համաձայնության պատգամավորին կալանավորել չեք կաորղ, եւ ստիպված եղանք անցնել այս ողջ գործընթացներով եւ, ի վերջո, արդյունքի հասնել»,-ասաց Վարդևանյանը։
Միևնույն ժամանակ, Վարդևանյանը նշում է՝ լավագույն լուծումը պատվաստվելն է, բայց այն պետք է լինի մարդու գիտակցված որոշումը։
«Գործատուն այլեւս չի կարող ասել՝ կգնաս, քո գրպանից գումար կմուծես ՊՇՌ թեստի համար, սա հստակ էր շատ ՍԴ որոշուման եզրափակիչ մասում։ Եռօրյա ժամկետում ՍԴ որոշումն ամբողջությամբ կհրապարակվի, կանդրադառնանք»,- շեշտեց պատգամավորը։
Սահմանադրական դատարանն իր այսօրվա՝ դեկտեմբերի 23-ի նիստում որոշեց, որ հակասահմանադրական է Առողջապահության նախարարի հրամանի որոշ դրույթներ: Մասնավորապես, ՍԴ-ն «ՊՇՌ հետազոտությունն իրականացնում է աշխատողն իր հաշվին» նախադասության «իր հաշվին» բառակապակցությունը ճանաչեց Սահմանադրության 6-րդ կետի առաջին, երկրորդ մասերի եւ 39-րդ հոդվածին հակասող եւ անվավեր՝ Նկատի առնելով, որ կորոնավիրուսային հիվանդության ՊՇՌ հետազոտության ծառայությունից օգտվելիս դրա դիմաց վճարման պարտականություն ունեցող աշխատողների շրջանակի սահմանումը դուրս է առողջապահության նախարարի օրենքով սահմանված լիազորությունների շրջանակից:
Սահմանադրության 170-րդ հոդվածի 2-րդ մասի համաձայն սույն որոշումը վերջնական է եւ ուժի մեջ է մտնում հրապարակման պահից:
Նշենք, որ ՍԴ էին դիմել ԱԺ ընդդիմադիր պատգամավորները՝ վիճարկելով առողջապահության նախարարի՝ պարտադիր պատվաստումների եւ թեստավորումների մասին հրամանի սահմանադրականությունը:
Նշենք՝ ըստ որոշման, գործատուներն աշխատակիցներից պետք է պահանջեն կորոնավիրուսի դեմ պատվաստված լինելու հավաստագիր կամ ամսական երկու անգամ ՊՇՌ թեստի բացասական արդյունք եւ կամ բժշկական տեղեկանք այն մասին, որ պատվաստվելու համար աշխատակիցը ունի հակացուցումներ։
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Հայ-վրացական գազատարը Հայաստանի խնդրանքով կտեղափոխվի
Հանդիպել են գերությունից վերադարձած Վագիֆ Խաչատրյանը և Գևորգ Սուջյանը
Տավուշում ոչ մի գազատար չի կառուցվել, նման գործընթաց չկա. մարզպետ
Ուկրաինացի բժիշկները ռազմագերիների վիրահատություններ են կատարել առանց անզգայացման
Իրանում պատերազմը Հնդկաստանին կանգնեցրել է գազային ճգնաժամի առաջ
Ազգային ժողովը շարունակում է իր քառօրյա նիստերի աշխատանքը (տեսանյութ)
Ռուսաստանում առաջարկել են ընդլայնել ռազմական գործողությունների գոտին՝ ներառելով ՆԱՏՕ-ի երկրները
Երևանը միանում է «Երկրի ժամ» համաշխարհային բնապահպանական նախաձեռնությանը
ԱՄՆ-ը և Իսրայելը Իրանի արտգործնախարարին հանել են թիրախային ցուցակից