Ուրիշ բանաձև ու լուծում չկա․ մեր ներքին և արտաքին խաղաղության գինը պատերազմով հաղթելն է

Այսօր հուսահատությունն է ուտում մեզ, սպառում ու մաշում է մեզ և թույլ չի տալիս ճիշտ ճանապարհներ գտնելու: Տավուշի թեմի հաղորդմամբ կիրակնօրյա քարոզում ասել է Տավուշի թեմի առաջնորդ Գերաշնորհ Բագրատ Եպիսկոպոս Գալստանյանը։

Բագրատ Սրբազանը նշել է, որ Հայաստանին անընդհատ սպառնում են պատերազմով։

«Այո, պատերազմն ինքնին սարսափելի երևույթ է, որևէ բանական մարդ պատերազմ, նույնիսկ թեթև կռիվ չի ցանկանա, բայց ազգերի գոյությունը՝ մեր գոյությունն, ուզենք կամ չուզենք, ուղղակիորեն կապված է այդպիսի իրավիճակի հետ։

Մենք ամեն ժամն ու վայրկյանը պատրաստ պետք է լինենք, պետք է պատրաստվենք, չվախենանք, եթե խոսում ենք արժեքների ու արժանապատվության մասին։

Այո, պատերազմը կյանքի գին ունի, բայց ի՞նչը կյանքի գին չունի»,- ասել է Գերաշնորհ Բագրատ Եպիսկոպոս Գալստանյանը։