Ֆիլիպինների նախագահը կոչ է արել պատվաստմանը կասկածողներին ներարկել քնած ժամանակ
Ֆիլիպինների նախագահը կոչ է արել COVID-19-ի դեմ պատվաստմանը կասկածողներին ներարկել քնած ժամանակ, տեղեկացնում է ՌԻԱ «Նովոստի»-ն՝ հղում կատարելով Inquirer-ին։
«Շատ մարդկանց գիտեմ, ովքեր դեռ կասկածում են։ Սա խնդիր է, մարդիկ, ովքեր չեն ցանկանում պատվաստված լինել։ Ուստի մենք նրանց կգտնենք իրենց բարանգաներում (թաղամասերում)։ Կմտնենք նրանց տուն, քանի դեռ քնած են, եւ վերջ»,- մեջբերում է թերթը Դուտերտեի խոսքերը։
«Եկեք պատվաստենք նրանց գիշերները»,- առաջարկել է Ֆիլիպինների նախագահը։ Նրանց, ովքեր արդեն պատվաստված են, նա խորհուրդ է տվել դիմակներ կրել եւ պահպանել հեռավորություն, որպեսզի չտարածեն COVID-19-ը։
Պաշտոնական տվյալներով՝ հոկտեմբերի 10-ի դրությամբ կորոնավիրուսի դեմ լիովին պատվաստված է Ֆիլիպինների 23,1 մլն բնակիչ։