Պիկասոյի կտավը Հոնկոնգի աճուրդում վաճառվել է 24.6 մլն դոլարով

Պաբլո Պիկասոյի (1881-1973) կտավը շաբաթ օրը Հոնկոնգում վաճառվել է 24.6 մլն դոլարով, հայտնում են Sotheby's աճուրդի տան կազմակերպիչները, փոխանցում է ՏԱՍՍ-ը:

«Լոտը վաճառվել է 191.651.000 հոնկոնգյան դոլարով (24.61 մլն դոլար)»,- ասվում է տան կայքում տեղադրված հաղորդագրության մեջ: Նշվում է, որ գումարը գնահատված արժեքի սահմաններում էր: Սա մի կտավ է, որը վերնագրված է «Նստած կինը» (Femme accroupie), որին նկարիչը պատկերել է իր կնոջն ու մուսային` Ժակլին Ռոքին, 1954 թվականին:

Նույն աճուրդում հոլանդացի նկարիչ Վինսենթ Վան Գոգի (1853-1890) նատյուրմորտը վաճառվել է 9.1 մլն դոլարով:

10.3 մլն դոլարով իրականացվել է չին-ֆրանսիացի աբստրակցիոնիստ Սանյուի (հայտնի է նաեւ որպես Չանգ Յույ) «Մերկ քնած կինը» նկարը: