Բեռլինի իշխանությունները հետաքննում են ամերիկացի դիվանագետների շրջանում «Հավանայի համախտանիշի» դեպքերը․ ԶԼՄ
Բեռլինի քրեական գործերով գերատեսչությունը հետաքննում է Գերմանիայի մայրաքաղաքում ԱՄՆ դեսպանատան աշխատակիցների շրջանում, այսպես կոչված, «Հավանայի համախտանիշի» դեպքերը, հայտնում է ՏԱՍՍ-ը՝ հղում անելով Spiegel ամսագրին:
Ըստ թերթի, վերոնշյալ գերատեսչությունը օգոստոսին ծանր մարմնական վնասվածքներ հասցնելու կասկածանքով հետաքննություն է սկսել անհայտ անձանց նկատմամբ: «Հավանայի համախտանիշի» նշաններ են հայտնաբերվել Բեռլինում ամերիկյան դեսպանատան մի քանի աշխատակիցների մոտ, գրում է Spiegel-ը: ԱՄՆ կառավարությունը գերմանացի քննիչներին տեղեկություն է հաղորդել միջադեպի մասին:
Վաշինգտոնի նախկին վարչակազմը պնդում էր, որ ավելի քան 40 ամերիկացի դիվանագետներ Հավանայում 2016 թվականի նոյեմբերից տուժել են արտաքին ազդեցության հետեւանքով, որը մամուլում կոչում են «ակուստիկ գրոհներ»: Այս դեպքերի համար ԱՄՆ իշխանությունները մեղադրել են Կուբային: 2017 թվականի սեպտեմբերին ԱՄՆ-ը հետ էր կանչել Հավանայում իր դեսպանատան աշխատակիցների 60%-ին, այնուհետեւ պահանջել էր 15 հոգով կրճատել Վաշինգտոնում Կուբայի դիվանագիտական առաքելության թիվը:
Հավանան բազմիցս հերքել է միջադեպերին իր մասնակցությունը: 2017-ի հոկտեմբերին կուբացի փորձագետները ենթադրել են, որ ԱՄՆ-ը կարող էր լուսատտիկների կամ ծղրիդների ծլվլոցը շփոթել «ակուստիկ գրոհների» հետ:
Հետագա տարիներին տեղեկություններ եղան, որ մի շարք այլ երկրներում եւս ԱՄՆ պետական ծառայողները ենթարկվել են այդ ազդեցությանը: Այս մարդկանցից ոմանց մոտ իբր ի հայտ են եկել ախտանշաններ, որոնք ԱՄՆ-ում անվանում են «Հավանայի համախտանիշ»: ԿՀՎ տնօրեն Ուիլյամ Բերնսը հուլիսի 22-ին ԱՄՆ Ազգային հանրային ռադիոյին տված հարցազրույցում խոստովանել է, որ համախտանիշ կոչվող ախտանիշների պատճառը պարզված չէ:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Իրանի հարստացված ուրանի պաշարները միջուկային օբյեկտների փլատակներում են
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները