Ֆրանսիայի նախկին նախագահին մեղադրել են բարձր մակարդակի սեռական ոտնձգությունների մեջ
Դանիայի նախկին վարչապետ Հելլե Թորնինգ-Շմիթը մեղադրել է Ֆրանսիայի նախկին նախագահ Վալերի Ժիսկար դ' Էստենին՝ Կոպենհագենում Ֆրանսիայի դեսպանատանը տեղի ունեցած բարձր մակարդակի հանդիպման ժամանակ սեռական ոտնձգությունների մեջ: Այդ մասին կին քաղաքական գործիչը պատմել է իր հուշերում, մեջբերումը փոխանցում է France24-ը։
Հանդիպումը տեղի է ունեցել Ժիսկարի նախագահությամբ քաղաքական գործիչների համագումարի շրջանակներում, որի նպատակն էր Եվրոպական միության սահմանադրության մշակումը 2002-ին կամ 2003-ին: Այդ պահին ֆրանսիացի քաղաքական գործիչն արդեն երկրի նախագահ չի եղել, սակայն մասնակցել է Ֆրանսիայի Սահմանադրական խորհրդի նիստերին։ Իր հերթին, դանիացի կին քաղաքական գործչին դեռ չէին ընտրել վարչապետի պաշտոնում (դա տեղի է ունեցել 2011 թվականին), 2000-ականների սկզբին նա եղել Է Եվրախորհրդարանի պատգամավոր:
«Ես տեսա, որ Ժիսկար դ'Էստենը նստեց իմ կողքին։ Նա բռնեց իմ ազդրը՝ ձեռքը մեկնելով սեղանի տակ։ Ես տեղափոխվեցի և նստեցի այլ նստարանին»,-գրել է Թորնինգ-Շմիթը: Նա խոստովանել է, որ այդ ժամանակ դա սեռական ոտնձգություն չի համարել, թեեւ զայրացել է ֆրանսիացի քաղաքական գործչի գործողությունների վրա։
Ֆրանսիայի նախկին նախագահ Վալերի Ժիսկար դ' Էստենը մահացել է 94 տարեկանում՝ 2020-ի դեկտեմբերին։ Քաղաքական գործիչը հոսպիտալացվել էր նույն տարվա նոյեմբերի կեսերին՝ սրտի անբավարարության գանգատներով։