Չեռնոգորիայի դատարանը ձերբակալել է գործարար Իսմայիլովին
Մոսկվայի Չերկիզովյան շուկայի նախկին սեփականատեր, գործարար Թելման Իսմայիլովը ձերբակալվել է Պոդգորիցայի դատարանի կողմից եւ անազատության մեջ կլինի մինչեւ նրան Ռուսաստանին հանձնելու մասին Չեռնոգորիայի իշխանությունների որոշումը, հայտնում է ՏԱՍՍ-ը՝ հղում անելով նրա փաստաբան Մարինա Ռուսակովային:
«Պոդգորիցայի դատարանը ձերբակալեց Իսմայիլովին, նա կմնա տեղական քննչական մեկուսարանում մինչեւ Չեռնոգորիայի իշխանությունների որոշումը՝ հանձնել նրան Ռուսաստանի Դաշնությանը, թե ոչ: Փաստաբաններն արդեն բողոքարկել են այս որոշումը: Նրանք խնդրում են Իսմայիլովին գրավի դիմաց ազատ արձակել»,- ասել է նա:
Ռուսակովան նշել է, որ Իսմայիլովը ձերբակալվել է այն բանից հետո, երբ Չեռնոգորիայում քաղաքական ապաստան է խնդրել: Փաստաբանի խոսքով այս հարցով դատարանը առանձին որոշում կկայացնի:
«Չեռնոգորիայի դատարանը առանձին նիստ կանցկացնի Իսմայիլովին քաղաքական ապաստան տրամադրելու հարցով, դա ուղղակիորեն կապված չէ նրա արտահանձնման նիստերի եւ նրա ձերբակալման մասին բողոքի հետ»,- բացատրել է նա:
Ավելի վաղ չեռնոգորյան ԶԼՄ-ները հայտնել էին, որ Չերկիզովյան շուկայի նախկին սեփականատեր, ձեռներեց Թելման Իսմայիլովը ձերբակալվել է Պոդգորիցայում՝ Ռուսաստանի կողմից տրված հայտի հիման վրա:
Ռուսաստանում Իսմայիլովին հեռակա մեղադրանք է առաջադրվել սպանության եւ զենքի անօրինական շրջանառության համար: ՌԴ Քննչական կոմիտեում գործարարին համարում են 2016թ. գործարարներ Վլադիմիր Սավկինի եւ Յուրի Բրիլյովի սպանության կազմակերպիչը։ Ըստ հետաքննության վարկածի՝ մեղադրյալը հանցագործության ծրագիրը մշակել է իր եղբայրներ Ռաֆիկ եւ Վագիֆ Իսմայիլովների հետ միասին:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԱՄՆ-ի գործողությունները Հորմուզի նեղուցում փակուղի են. Արաղչի
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
ԵՔՀ 8-րդ գագաթնաժողովի բացման արարողությունը Երևանում. ուղիղ
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Իսպանիայի վարչապետի ինքնաթիռն արտակարգ վայրէջք է կատարել Թուրքիայում