Բարսելոնայում Շակիրայի վրա վարազներ են հարձակվել
Բարսելոնայի այգում երկու վայրի վարազներ հարձակվել են փոփ աստղ Շակիրայի վրա, խլել նրա պայուսակը, որի մեջ եղել է հեռախոս, եւ փախել են անտառ: Ուսապարկը հաջողվել է վերադարձնել, փոխանցում է BBC-ն։
Այս մասին Շակիրան պատմել է իր «Instagram»-ում։ Վարազների լուսանկարները Շակիրան ցույց չի տվել, բայց ցույց է տվել կեղտոտ ուսապարկը։
«Տեսեք, երկու վայրի վարազներ ինձ վրա հարձակվել են այգում եւ պայուսակն այդ վիճակում թողել», - ասում է երգչուհին՝ ցույց տալով կեղտոտ սմբակներով ոտնահարված իրը:
Այնուհետեւ նա դիմել է որդուն․ «Միլան, ասա ճշմարտությունը, պատմիր, թե ինչպես է քո մայրը պայքարել վարազի դեմ»:
Բարսելոնայում մարդկանց եւ շների վրա վարազների հարձակումներն այնքան էլ հազվադեպ չեն։ 2016 թվականին ոստիկանությունը 1187 դիմում է ստացել այդ կենդանիների դեմ։ 2013թ․-ին ոստիկանը փորձել է ատրճանակից կրակել վարազի վրա, սակայն դրա փոխարեն դիպել է իր զուգընկերոջը։