Եվրախորհրդարանի պատգամավորը սպառնացել է «Հյուսիսային հոսք 2»-ը վերածել «ներդրումային ավերակների»
Գերմանական «Կանաչների» կուսակցությունից Եվրախորհրդարանի պատգամավոր Ռայնհարդ Բյութիքոֆերն ասել է, որ դեռ վաղ է ուրախանալ «Հյուսիսային հոսք 2»-ի ավարտով, հաղորդում է DPA գործակալությունը:
«Հաղթական գոչյունները, որոնցով ռուսական կողմը նշում է« Հյուսիսային հոսք 2»-ի ավարտը, վաղաժամ են»,- ասել է նա: Քաղաքական գործիչը ենթադրել է, որ եթե ի վերջո պարզվի, որ գազատարը չի համապատասխանում եվրոպական օրենքներին, ապա այն կարող է վերածվել «ներդրումային ավերակների»:
«Կանաչները» տարբեր մակարդակներով բազմիցս դեմ են արտահայտվել «Հյուսիսային հոսք 2» ծրագրի իրականացմանը: