NYP. ԱՄՆ հետախուզական գործակալությունները կորոնավիրուսի մասին Ուհանում դրա հայտնվելուց մեկ ամիս առաջ են իմացել

ԱՄՆ-ում բնակվող չինացի այլախոհ եւ իրավապաշտպան Վեյ Ցզինգշենն ամերիկյան հատուկ ծառայություններին կորոնավիրուսի տարածման մասին տեղեկացրել է դեռեւս 2019 թվականի նոյեմբերին՝ Ուհանում դրա բռնկումից ավելի քան մեկ ամիս առաջ: Այս մասին հայտնում է New York Post-ը՝ հղում անելով «Ինչ է իրականում տեղի ունեցել Ուհանում» (What Really Happened in Wuhan) գրքին:

Ցզինշենի խոսքով՝ ինքն առաջին անգամ խորհրդավոր նոր հիվանդության մասին լսել է Պեկինում գտնվող բարձրաստիճան պաշտոնյաներից` 2019 թվականի հոկտեմբերին Ուհան քաղաքում անցկացված Համաշխարհային ամառային ռազմականի խաղերի ժամանակ: Նա համապատասխան տեղեկությունները փոխանցել է չինացի իրավապաշտպան Դիմոն Լյուին եւ նրա ամուսնուն՝ ԿՀՎ նախկին գործակալ Ռոբերտ Սոթինգերին:

Լյուն իր հերթին ասել է, որ ծանոթի հետ զրուցելուց հետո ինքը պատրաստել է գրություն, որը նախատեսում էր փոխանցել ԱՄՆ այն ժամանակվա նախագահ Դոնալդ Թրամփի ազգային անվտանգության գծով խորհրդականի տեղակալ Մեթ Փոթինգերին: Բայց կինը դա չի արել՝ համարելով, որ նոր վարակի մասին տեղեկությունները չեն համապատասխանում իրականությանը: