Աֆղանական դրամական փոխանցումների վճարումները տեղական արժույթով են սահմանափակվում
Աֆղանստանի կենտրոնական բանկը կարգադրել է բանկերին միայն տեղական արժույթով գումար վճարել` փորձելով պահպանել ԱՄՆ դեֆիցիտային դոլարները, հաղորդում է The Khaama Press-ը:
Աֆղանստանում Western Union Co-ի բանկային գործընկեր-գործակալները վերջին մի քանի օրվա ընթացքում երկրի կենտրոնական բանկից դրամական փոխանցումները միայն աֆղանական արժույթով վճարելու հրահանգ են ստացել:
Աղբյուրը մանրամասնում է, որ հրահանգից առաջ ուղարկված եւ ուղարկողի կողմից ընտրված դոլարով վճարվող դրամական փոխանցումները կարող են դեռ դոլարով վճարվել:
MoneyGram International Inc-ը (MGI.O) առանց մանրամասներ հայտնելու նաեւ հայտարարել է, որ գումարը միայն տեղական արժույթով է վճարում:
Երկուսն էլ անցյալ շաբաթ վերսկսել են Աֆղանստան փողերի փոխանցումները՝ դադարեցնելով դրանք օգոստոսին այն բանից հետո, երբ երկրում թալիբները գրավեցին իշխանությունը:
Կենտրոնական բանկից որեւէ մեկնաբանություն չի ստացվել: