Վլադիմիր Կոնկինի որդին հայտարարել է, որ հայրն ինն անգամ կրակել է իր ուղղությամբ
Յարոսլավ Կոնկինը՝ խորհրդային հայտնի դերասան, Ռուսաստանի վաստակավոր արտիստ եւ «Հանդիպման վայրը չի կարելի փոխել» հեռուստաֆիլմի աստղ Վլադիմիր Կոնկինի որդին, ներկայացրել է հոր հետ բարդ հարաբերությունների մանրամասները։ «Թող խոսեն» («Пусть говорят») հաղորդման եթերում Կոնկին կրտսերը պատմել է, որ հայրը կարող էր սպանել իրեն։
Յարոսլավ Կոնկինի խոսքով՝ միջադեպը տեղի է ունեցել, երբ ինքն ու քույրը՝ Սոֆյան (մահացել է 2020թ․-ի սեպտեմբերին) հոր տուն են գնացել։ Վերջինս հրաժարվել է բացել դուռն ուշացած երեխաների առաջ, ինչից հետո սկսել է ատրճանակով կրակել Յարոսլավի ուղղությամբ, պնդում է Կոնկին կրտսերը։ Նրա խոսքով՝ ինքը ծանր վնասվածքներ է ստացել։
«Որտե՞ղ պետք է քնի Սոֆյան։ Ես ինչ-որ տեղ կգնամ, կգիշերեմ կայարանում։ Անկեղծ ասեմ՝ դա ինձ զայրացրել է։ Այդ նվաստացումը, որը հանդուրժել եմ ամբողջ կյանքի ընթացքում։ Այն այնպես էր եռում, լինում են այդպիսի պահեր։ Եվս մեկ անգամ ասում եմ՝ հետտրավմատիկ համախտանիշը լուրջ բան է։ Ես չդիմացա, գնացի թակելու պատուհանը, որ նա բացեր դուռը։ Նա հանեց ատրճանակն ու դիմահար կրակեց։ Նա տեսել էր ինձ եւ գիտեր, որ ես եմ։ Բոլոր ինը գնդակներն՝ իմ ուղղութայմբ։ Նա ինձ հրաշքով չի սպանել՝ դեմքիս չկրակելով։ Ես ընկա հարեւանի մեքենայի վրա, եւ դա փրկեց իմ կյանքը»,- հիշել է արտիստի որդին։
Նախագծի հերթական թողարկումը նվիրված էր Կոնկինի դստեր՝ 32-ամյա Սոֆյայի ողբերգական մահվանը։ Նա 2020թ․-ի սեպտեմբերին խեղդվել էր մոսկովյան ֆիթնես ակումբերից մեկի լողավազանում։ Նրա ինքնազգացողությունը վատացել էր ջրում։ Կոնկինային ջրից դուրս էին բերել լողավազանի այլ այցելուներ, սակայն չէին կարողացել առաջին օգնություն ցուցաբերել։ Դեպքի վայր ժամանած շտապօգնության բրիգադին, անկախ վերակենդանացման գործողություններից, չէր հաջողվել փրկել նրա կյանքը․ Սոֆյա Կոնիկինայի թոքերը ջրով էին լցված։
Ըստ պաշտոնական վարկածի՝ մահվան պատճառ է դարձել ասֆիկսիան, սակայն Վլադիմիր Կոնկինը պնդում էր, որ դստերը սպանել են։ Հաջողվել է պարզել, որ ֆիթնես-ակումբ գնալուց առաջ Սոֆյա Կոնկինան խանութում մեկ շիշ գինի է գնել։ Փորձաքննության արդյունքները ցույց են տվել, որ հայտնի արտիստի դստեր օրգանիզմում 0,4 պրոմիլ ալկոհոլ է հայտնաբերվել եւ «Դիազեպամ» դեղամիջոց։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Իրանի հարստացված ուրանի պաշարները միջուկային օբյեկտների փլատակներում են
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները