Կլոր սմարթֆոնը մեկ օրում Kickstarter-ում հավաքել է անհրաժեշտ գումարը
Կլոր սմարթֆոնը մեկ օրում Kickstarter քրաուդֆանդինգյան հարթակում հավաքել է անհրաժեշտ գումարը։ Նորությունը գրելու պահին նախագիծն արդեն ստացել է մշակողների հայտարարած գումարի 127 տոկոսը։
Սարքի առաջին տարբերակը ներկայացվել է CES 2020 էլեկտրոնիկայի ցուցադրության ժամանակ, սակայն այն այդպես էլ վաճառքի չի հանվել։ 2021 թվականի սեպտեմբերին հեղինակները վերամշակել են դիզայնը, եւ արդեն մեկ օրում հավաքել են 10 հազար դոլարի չափով գումարը։
Նախագծի հեղինակները հայտարարում են, որ կարողացել են հավելվածները ադապտացնել էկրանի ոչ ստանդարտ ձեւաչափի ներքո․ յուրաքանչյուր ծրագիր կարելի է թողարկել պատուհանային ռեժիմով եւ փոխարինել դրա չափը։
Սմարթֆոնն աշխատում է Android 10 օպերացիոն համակարգի բազայով: