ԵՄ-ն դեռ չի կողմնորոշվել Աֆղանստանում իր դիվանագիտական առաքելության ձեւաչափի հարցում
Եվրամիությունը դեռ չի կողմնորոշվել Աֆղանստանում իր դիվանագիտական առաքելության ձեւաչափի հարցում. դրա ստեղծման պայմանները դեռ չկան: Այս մասին ուրբաթ Բրյուսելում կայացած ճեպազրույցի ժամանակ ասաց ԵՄ արտաքին քաղաքականության ծառայության ներկայացուցիչ Պիտեր Ստանոն՝ մեկնաբանելով ԶԼՄ-ների հաղորդումները Քաբուլում եվրոպական դիվանագիտական ներկայացուցչություն ստեղծելու հարցով թալիբների հետ ԵՄ-ի շփումների վերաբերյալ, փոխանցում է ՏԱՍՍ-ը:
«Առայժմ ԵՄ երկրների միջեւ շարունակվում են քննարկումները, թե ինչ հանգամանքներում, ինչ պայմաններում եւ ինչ ձեւով կապահովվի դիվանագիտական ներկայությունն Աֆղանստանում: Այս պահին դրա համար դեռ պայմաններ չեն ստեղծվել»,- ասել է նա: