Երկու աֆղանցի լրագրողներ ծեծի են ենթարկվել Քաբուլում կանանց ցույցը լուսաբանելուց հետո
Երկու աֆղանցի լրագրողներ ծեծի են ենթարկվել ոստիկանությունում՝ Քաբուլում կանանց բողոքի ցույցը լուսաբանելուց հետո, որտեղ նրանք ձերբակալվել են թալիբների կողմից, ասել է նրանց խմբագիրը:
Etilaat Roz-ի հիմնադիր եւ գլխավոր խմբագիր Զաքի Դարյաբին սոցիալական ցանցերում տեղադրել է երկու տղամարդ լրագրողների լուսանկարները, որոնցից մեկը մեջքին եւ ոտքերին ունեցել է մեծ կարմիր սպիներ, իսկ մյուսը նմանատիպ հետքեր է ունեցել ուսին եւ թեւին: Երկու տղամարդկանց դեմքերին նաեւ կապտուկներ եւ կտրվածքներ են եղել:
Դարյաբին ասել է, որ ծեծը վախեցնող ուղերձ է հղել Աֆղանստանի ԶԼՄ-ներին, որտեղ անկախ մամուլը, որի մեծ մասը ֆինանսավորվում է արեւմտյան դոնորների կողմից, ծաղկում էր վերջին 20 տարիների ընթացքում: «Հինգ գործընկեր ավելի քան 4 ժամ գտնվել են քննչական մեկուսարանում, եւ այդ չորս ժամվա ընթացքում մեր երկու գործընկերները դաժան ծեծի եւ կտտանքների են ենթարկվել»,- ասել է նա Reuters-ին: