Ռիգայի քաղաքապետը 70 եվրոյի չափով տուգանվել է՝ շահերի բախման պատճառով
Կոռուպցիայի կանխարգելման եւ պայքարի բյուրոն (ԿԿՊԲ) Ռիգայի քաղաքապետ Մարտինշ Ստակիսին շահերի բախման պատճառով 70 եվրոյի չափով տուգանել է, հայտնում է Baltijas Balss պորտալը:
2019 թվականի սեպտեմբերի 17-ին, երբ Ստակիսը խորհրդարանի անդամ է եղել, նրան պատկանող Innocent PRO ընկերությունը գնման պայմանագիր է կնքել Austrumlatvijas koncertzale-ի հետ՝ 2626 եվրոյի սուրճ եւ թեյ մատակարարելու մասին: Հատկանշական է, որ Լատվիայի օրենսդրությունն արգելում է պատգամավորներին լինել առեւտրային այն ընկերությունների անդամներ, որոնք գնումների պայմանագրեր են կնքում: