ԵՏՀ-ն չի երկարաձգի ԵԱՏՄ տարածքում տրանսպորտային միջոցների անմաքս գտնվելու ժամկետը
Եվրասիական տնտեսական հանձնաժողովը (ԵՏՀ) չի երկարացնի անմաքս ժամկետը Եվրասիական տնտեսական միություն (ԵԱՏՄ) ներմուծված տրանսպորտային միջոցների համար մինչեւ COVID-19 համավարակը, ճեպազրույցի ժամանակ ասել է Եվրասիական տնտեսական հանձնաժողովի (ԵՏՀ) նախագահի օգնական Իյա Մալկինան, փոխանցում է ՏԱՍՍ-ը:
«Սեպտեմբերի 30-ին ավարտվում է մինչեւ COVID-19-ի համավարակի բռնկումը քաղաքացիների կողմից ժամանակավորապես ներմուծված ավտոմեքենաների Եվրասիական տնտեսական միության տարածքում մնալու ժամկետը: Մենք հրավիրում ենք քաղաքացիների ուշադրությունը, որ եթե մինչեւ սեպտեմբերի 30-ն ավտոմեքենաները եւ այլ տրանսպորտային միջոցները դուրս չբերվեն, ապա ստիպված կլինեք ամբողջությամբ վճարել մաքսատուրքերն ու հարկերը»,- ասել է Մալկինան:
Ավելի վաղ հանձնաժողովը մի քանի անգամ երկարաձգել էր առանց մաքսատուրք վճարելու անձնական ավտոմեքենաների գտնվելու ժամկետը, սկզբից՝ մինչեւ 2020 թվականի սեպտեմբերի 30-ը, այնուհետեւ՝ մինչեւ 2021 թվականի մարտի 31-ը, ապա՝ մինչեւ 2021 թվականի սեպտեմբերի 30-ը: