Կրեմլում գնահատել են Ուկրաինային ռազմական օգնություն տրամադրելու ԱՄՆ-ի պլանները
Կիեւին ԱՄՆ-ի ռազմական օգնության տրամադրման պլանները կարող են Ուկրաինայի անկանխատեսելի գործողությունների պատճառ լինել՝ երկրի հարավ-արեւելքում հակամարտության ուժային լուծման փորձերի առումով, ասել է ՌԴ նախագահի մամուլի քարտուղար Դմիտրի Պեսկովը, փոխանցում է «ՌԻԱ Նովոստի»-ն:
«Մենք նաեւ ուշադրություն ենք հրավիրել Ուկրաինային ԱՄՆ ռազմական օգնության տրամադրման ծրագրերի վրա: Մենք կարծում ենք, որ դա կարող է պոտենցիալ կերպով ուկրաինական կողմի անկանխատեսելի գործողությունների պատճառը լինել հարավ-արեւելքում ներքին ուկրաինական հակամարտության ուժային լուծման փորձերի առումով: Դա շատ վտանգավոր է»,- ասել է նա լրագրողներին Արեւելյան տնտեսական ֆորումի շրջանակներում: