Ռուսաստանի եւ Ադրբեջանի փոխարտգործնախարարները քննարկել են Ղարաբաղի վերաբերյալ պայմանավորվածությունների կատարումը
Ռուսաստանի փոխարտգործնախարար Անդրեյ Ռուդենկոն չորեքշաբթի հեռախոսազրույց է ունեցել Ադրբեջանի փոխարտգործնախարար Խալաֆ Խալաֆովի հետ Լեռնային Ղարաբաղի հետ կապված Ռուսաստանի Դաշնության, Հայաստանի եւ Ադրբեջանի ղեկավարների եռակողմ համաձայնագրերի կատարման ընթացքի վերաբերյալ:
«Մտքերի մանրակրկիտ փոխանակման ընթացքում քննարկվել են երկկողմ եւ տարածաշրջանային օրակարգի մի շարք արդիական հարցեր, այդ թվում՝ Ռուսաստանի, Ադրբեջանի եւ Հայաստանի ղեկավարների 2020 թվականի նոյեմբերի 9-ի եւ 2021 թվականի հունվարի 11-ի համաձայնությունների կատարումը»,- ասվում է ՌԴ ԱԳՆ հայտարարության մեջ: