Պուտինը պատմել է, թե ինչ էր երազում դառնալ մանուկ հասակում
Ռուսաստանի նախագահ Վլադիմիր Պուտինը պատմել է, որ մանկության տարիներին մտածում էր նավաստի կամ օդաչուի եւ նույնիսկ հետախույզի մասնագիտության մասին, ինչը նրան հաջողվեց իրականացնել, բայց ամենակարեւորը՝ նա ցանկանում էր ծառայել Հայրենիքին, եւ այդ առումով նրա երազանքն իրականացվել է, հաղորդում է «ՌԻԱ Նովոստի»-ն: https://ria.ru/
Վլադիվոստոկի «Օկեան» համառուսաստանյան մանկական կենտրոնի դպրոցի սաների հետ Ռուսաստանի նախագահի հանդիպման մասնակիցներից մեկը հարցրեց, թե ինչի՞ մասին է նա երազել եւ արդյո՞ք իր երազանքներն իրականացել են:
«Ինչպես շատ տղաներ, ես ուզում էի սկզբում նավաստի դառնալ, հետո օդաչու, հետո հետախույզ. ես ուզում էի դառնալ եւ իրականացրեցի այդ պլանը, կյանքն այդպես դասավորվեց: Երբեմն նույնիսկ զարմանում եմ, թե ինչպես դա տեղի ունեցավ: Դա իրականում բարդ հարց է, չի կարելի պարզապես գալ եւ ասել՝ ուզում եմ հետախույզ դառնալ, եւ քեզ վերցնում են հետախուզություն: Այդպես կարծես թե չի լինում, բայց ես դա արեցի»,- պատմել է ՌԴ նախագահը:
Բայց նա շեշտել է, որ դա ամենեւին էլ գլխավորը չէ, գլխավորն այն է, որ դպրոցը, ընտանիքը եւ միջավայրը կենտրոնացած էին Հայրենիքին ծառայելուն նվիրվելու վրա:
«Եվ այսօր ես հենց դրանով եմ զբաղված: Կարծում եմ, որ այդ առումով ինձ հաջողվել է հասնել նրան, ինչի մասին ես երազում էի»,- հավելել է Պուտինը:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Իրանի հարստացված ուրանի պաշարները միջուկային օբյեկտների փլատակներում են
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները