Տոկաեւը Մուրատ Բեկտանովին Ղազախստանի պաշտպանության նախարար է նշանակել
Երեքշաբթի Ղազախստանի նախագահ Քասիմ-Ժոմարտ Տոկաեւը հանրապետության պաշտպանության նախարար է նշանակել գերատեսչության ղեկավարի առաջին տեղակալ եւ Գլխավոր շտաբի պետ Մուրատ Բեկտանովին: Այս մասին հայտնում են նախագահի մամուլի ծառայությունից:
«Բեկտանով Մուրատ Կարիբաեւիչին նշանակել Ղազախստանի Հանրապետության պաշտպանության նախարար»,- ասված է պետության ղեկավարի հրամանագրում:
Նույն օրը, նախագահի հրամանով, Բեկտանովն ազատվել է Ղազախստանի պաշտպանության նախարարի, զինված ուժերի գլխավոր շտաբի պետի առաջին տեղակալի պաշտոնից: