Լուիզիանային մոտեցող «Իդա» փոթորիկն ուժգնացել է՝ հասնելով չորրորդ աստիճանի
Լուիզիանայի ափերին մոտեցող «Իդա» փոթորիկն ուժգնացել է՝ հասնելով չորրորդ աստիճանի՝ ըստ Սաֆիր-Սիմփսոնի սանդղակի, հաղորդում է Axios-ը:
ԱՄՆ-ի Փոթորիկների ուսումնասիրման ազգային կենտրոնի տվյալներով՝ ներկայում «Իդա»-ն շարժվում է հյուսիս-արեւմտյան ուղղությամբ 25,1 կմ/ժ արագությամբ: Քամու արագությունը մթնոլորտային երեւույթի սահմաններում հասել է վայրկյանում մինչեւ 58,1 մետրի:
Հայտարարվել է Լուիզիանա, Միսիսիպի եւ Ալաբամա նահանգների ափերի մոտ ջրհեղեղների վտանգի մասին: Երկուշաբթի լույս գիշերը տարածաշրջանում սպասվում են հորդառատ անձրեւներ: