Ֆրանսիան «Թալիբան»-ի հետ քննարկում է մարդասիրական գործողություններն ու աֆղանցիների դուրսբերումը
Ֆրանսիայի նախագահ Էմանուել Մակրոնը հայտարարել է Ֆրանսիայի եւ թալիբների միջեւ հումանիտար գործողությունների կազմակերպման եւ Աֆղանստանից վտանգված քաղաքացիների դուրսբերման շարունակման շուրջ բանակցությունների մասին, որտեղ Կատարը որպես միջնորդ է հանդես գալիս, հաղորդում է AFP-ն:
«Մենք դեռեւս բանակցություններ ենք վարում, եւ ամեն ինչ դեռ շատ նախնական բնույթ է կրում, բայց մենք թալիբների հետ քննարկում ենք հումանիտար գործողությունների անցկացումը, ինչպես նաեւ վտանգի տակ գտնվող աֆղաններին պաշտպանելու եւ հեռացնելու հնարավորությունը»,- շաբաթ օրը Բաղդադում կայացած մամուլի ասուլիսի ժամանակ ասել է Մակրոնը:
«Այո, մենք, ի թիվս այլ բաների, համատեղ աշխատանք ենք տանում Կատարի հետ, այդ գործողություններն իրականացնելու համար: Քանի որ Կատարը, «Թալիբան» շարժման հետ իր շփման համատեքստում, կարող է կազմակերպել օդային կամուրջ, որը բաց է որոշ ավիաընկերությունների համար: Բայց ամեն անգամ մենք ստիպված կլինենք բանակցել թալիբների հետ փոփոխվող հանգամանքներում»,- ասել է նա:
Ֆրանսիայի առաջնորդը նշել է, որ անձամբ իր համար կան երեք հիմնական պայմաններ, որոնց համաձայն «կարելի է հավակնել, որ ապագան քննարկվի» եւ «ստանալ քաղաքական պայմանավորվածությունների ճանաչման որոշակի տարրեր»:
Ֆրանսիացի առաջնորդը առաջին պայման է համարել թալիբների կողմից հումանիտար իրավունքի պահպանումը եւ աֆղանստանցիների համար ապաստան ստանալու խոչընդոտների բացակայությունը, իսկ երկրորդ պայմանը` կարմիր գծերի խիստ պահպանումն է բոլոր ահաբեկչական խմբերի նկատմամբ եւ թափանցիկությունն այս համատեքստում: Երրորդը մարդու իրավունքների հարգումն է, հատկապես կանանց արժանապատվության առումով:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Մակրոնը և Սթարմերը Ուկրաինայի հարցով հանդիպում են հրավիրել
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
ԵՔՀ 8-րդ գագաթնաժողովի բացման արարողությունը Երևանում. ուղիղ
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...