Ճապոնիայում կրկին հայտնաբերել են օտարածին նյութեր Moderna պատվաստանյութի մեջ

Անհայտ նյութեր են հայտնաբերվել կորոնավիրուսի դեմ ամերիկյան Moderna ընկերության պատվաստանյութի եւս մեկ խմբաքանակի մեջ, որը մատակարարվել է Ճապոնիայում, հաղորդում է Kyodo-ն:

Մեկ ամպուլայում եւ երկու ներարկիչներում հայտնաբերվել է անհայտ սեւ նյութ: Եւս մեկ ներարկիչի ստուգման ընթացքում հայտնաբերվել են վարդագույնի խառնուրդներ: Այդ խմբաքանակից դեղամիջոցով պատվաստվել է ընդհանուր առմամբ շուրջ 400 մարդ, սակայն, ինչպես նշվում է, դա արվել էր, երբ բժիշկները վիզուալ առումով համոզվել են ներարկիչներում նյութի մաքրության մեջ: Պատվասվածների շրջանում առողջության հետ կապված ինչ-որ խնդիրների մասին տեղեկատվություն չկա:

Հատկանշական է, որ այդ խմբաքանակի համարը տարբերվում է մյուս երեքից, որոնց օգտագործումը կասեցվել է Ճապոնիայի առողջապահության, աշխատանքի եւ բարեկեցության նախարարության կողմից:

Ավելի վաղ Ճապոնիայի առողջապահության նախարարությունը կասեցրել էր Moderna-ի երրորդ խմբաքանակից շուրջ 1,63 միլիոն դեղաչափի օգտագործումը, որոնք արտադրված էին Իսպանիայի տարածքում, դրանցում անհայտ խառնուրդների պատճառով: