Հարսը բարկացել է հարսանիքի կազմակերպիչների վրա եւ հրաժարվել է դուրս գալ փեսայի մոտ
Հնդկաստանի Նյու Դելիից հարսնացու Շիվանի Պիպելը բարկացել է հարսանիքի կազմակերպիչների վրա եւ կտրականապես հրաժարվել փեսայի եւ հյուրերի մոտ դուրս գալ, մինչեւ սխալը չուղղվի: Դժգոհ աղջկա մասին տեսանյութը հրապարակվել է հարսանյաց սրահի Instagram-ի հաշվում:
Տոնակատարության օրը Պիպելը պատրաստվել է հանդիսավոր ներկայանալ իր փեսացու Սաջան Անանդին, սակայն միջոցառման ընթացքում հանկարծ հնչել է ոչ այն երգը, որի ժամանակ հարսնացուն նախատեսում էր դուրս գալ: Հիասթափված աղջիկը հրաժարվել է տեղից շարժվել, քանի դեռ ճիշտ երաժշտությունը չի միացվել:
Տեսանյութը հավաքել է 1,2 միլիոն դիտում եւ 32,7 հազար լայք: Շուտով Պիպելը տեղադրել է պատասխան տեսահոլովակ, որում ասել է, որ ամեն ինչ լավ է ավարտվել` ճիշտ երգը հնչել է, եւ ինքն ամուսնացել է իր սիրելիի հետ: