Թալիբներն Աֆղանստանի հետախուզության նախկին պաշտոնյաների են ձերբակալել
«Թալիբան»-ի պաշտոնյաներն Աֆղանստանի Անվտանգության ազգային գերատեսչության նախկին անդամների են ձերբակալել, ովքեր զբաղվում էին պետական անվտանգության, հետախուզության եւ հակահետախուզության աշխատանքներով: Այս մասին իր Twitter-ում գրել է թալիբների քաթարական քաղաքական գրասենյակի ներկայացուցիչ Մոհամմադ Սոհաիլ Շահինը:
«Աֆղանստանի Անվտանգության ազգային գերատեսչության նախկին աշխատակիցները բերման են ենթարկվել: Աֆղանստանի իսլամական էմիրության [Թալիբանի ինքնանունը] անդամ ձեւանալով՝ նրանք նպաստել են Քաբուլում օրենքի եւ կարգուկանոնի վիճակի վատթարացմանը»,- գրել է նա: Հրապարակված տեսանյութում երկու ձերբակալված տղամարդ է: