Օգոստոսի 14-ից ԱՄՆ-ն 105.000 մարդ է տարհանել Քաբուլից
ԱՄՆ-ն եւ նրա դաշնակիցները Քաբուլի օդանավակայանից օգոստոսի 14-ից գրեթե 105 հազար մարդ են տարհանել: Այս մասին Twitter-ում հայտնել է Սպիտակ տան մամուլի քարտուղարի տեղակալ Էնդրյու Բեյթսը:
«Քաբուլից օգոստոսի 26 -ին ԱՄՆ Արեւելյան ափի ժամանակով 03:00-ից օգոստոսի 27-ի 03:00-ն ընկած ժամանակահատվածում տարհանվել է մոտ 12.500 մարդ: Օգոստոսի 14-ից գրեթե 105 հազար մարդ է դուրս բերվել: Հուլիսի վերջից՝ մոտ 110.6 հազար»,- գրել է նա: