Հոնկոնգի իշխանությունները որակազրկել են միակ ընդդիմադիր պատգամավորին
Հոնկոնգի իշխանությունները պաշտոնից հեռացրել են ընդդիմադիր միակ պատգամավորին, ով ներկա Օրենսդիր խորհրդի կամզից էր: Նա չի անցել «հայրենասիրության մասով ստուգումը», հայտնում է South China Morning Post-ը:
«Քաղաքացիական կիրք» կուսակցությունից 37-ամյա պատգամավոր Չժեն Սունթայը դեմ է արտահայտվել Չինաստանի ներգրավվածությանը Հոնկոնգի կառավարմանը: Նրա հեռացման մասին որոշումը կայացրել է գլխավոր քարտուղար Ջոն Լին, ով վերջերս գլխավորել է ընտրությունների ժամանակ թեկնածուների որակավորումների ստուգման հատուկ հանձնաժողովը: Այժմ ստուգվում են նոր ընտրական ընտրիչների կոլեգիայի բոլոր 1500 անդամները, որում ինքնաբերաբար հայտնվում են նաեւ խորհրդարանականները:
«Հանձնաժողովը թույլ չի տա որեւէ մեկին, ով ձեւացնում է, թե հետեւում է հիմնական օրենքին եւ հավատարիմ է քաղաքին, մուտք գործել համակարգ»,- ընդգծել է Ջոն Լին:
Չժեն Սունթայը հինգ տարի չի կարողանա մասնակցել ընտրություններին եւ չի կարողանա առաջադրվել նոր Օրենսդիր խորհրդի կազմում հայտնվելու համար այս դեկտեմբերին: