Նախկին նախագահ Քարզայը եւ Աբդուլահը կմտնեն Աֆղանստանի կառավարման 12 անդամից բաղկացած խորհրդի մեջ
Աֆղանստանում ազգային հաշտեցման գերագույն խորհրդի ղեկավար Աբդուլլահ Աբդուլլահը, Աֆղանստանի նախկին նախագահ Համիդ Քարզայը եւ Իսլամական կուսակցության առաջնորդ Գյուլբեդդին Հեքմաթյարը կմիանան Աֆղանստանը կառավարող խորհրդին, որը մտադիր է ձեւավորել արմատական «Թալիբան» շարժման ղեկավարությունը, հայտնում է Ariana News-ը:
Նրա տվյալներով՝ «Աբդուլլահ Աբդուլլահը, Քարզայը եւ Հեքմաթյարը [Աֆղանստանի կառավարման] խորհրդի անդամներ կլինեն»:
Նշված քաղաքական երեք գործիչները թալիբների զինված կազմավորումների հարձակումից անմիջապես հետո իշխանությունը խաղաղ ճանապարհով «Թալիբան»-ին փոխանցելու համակարգող խորհուրդ էին ստեղծել: Նրանք մի շարք հանդիպումներ են անցկացրել շարժման ներկայացուցիչների հետ` նպատակ ունենալով ձեւավորել նոր իշխանություն, այդ թվում` աֆղանական հասարակության լայն ներկայացուցչությամբ կառավարություն:
Foreign Policy ամսագիրը երկուշաբթի օրը, հղում անելով «Թալիբան»-ի առաջնորդներին մոտ կանգնած աղբյուրներին, հայտնում է, որ շարժումը մտադիր է Աֆղանստանը կառավարելու խորհուրդ ձեւավորել, որի կազմում կլինի 12 մարդ, այդ թվում՝ երկրի նախկին կառավարության որոշ անդամներ: Խորհրդի երեք ամենաազդեցիկ անձինք պետք է լինեն «Թալիբան»-ի քաղաքական թեւի առաջնորդ Աբդուլ Հանի Բարադարը, Թալիբանի ռազմական հանձնաժողովի ղեկավար Մուլավի Յակուբը, ով շարժման հիմնադիր Մոլլա Օմարի որդին է, եւ դաշտային հրամանատար, «Հաքանիի ցանց» դիվերսիոն խմբի ղեկավար Սիրաջուդդին Հաքանին։ Ինչպես նշել է թերթը, թալիբները չեն ցանկանում Աֆղանստանում վերականգնել նախագահի կամ որեւէ այլ առաջնորդի միանձնյա պաշտոնը:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Իրանի հարստացված ուրանի պաշարները միջուկային օբյեկտների փլատակներում են
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները