Բայդենը հայտարարել է Թենեսի նահանգում ջրհեղեղի պատճառով տարերային աղետի մասին
ԱՄՆ նախագահ Ջո Բայդենը հայտարարել է Թենեսի նահանգում ջրհեղեղի պատճառով տեղի ունեցած տարերային աղետի մասին եւ կարգադրել դաշնային օգնություն ցուցաբերել զոհերին, հայտնել է Սպիտակ տունը, փոխանցում է «ՌԻԱ Նովոստին»:
«Երեկ նախագահ Ջոզեֆ Բայդեն-կրտսերը հայտարարեց Թենեսիում տարերային խոշոր աղետի մասին եւ դաշնային օգնության հրաման տվեց, ի լրումն 2021 թվականի օգոստոսի 21-ի ուժգին փոթորկից եւ ջրհեղեղներից տուժած տարածքներում պետական եւ տեղական վերականգնման գործողությունների»,- ասվում է Սպիտակ տան հայտարարության մեջ:
Դաշնային օգնությունը կներառի աղետից հետո վերականգնման գործում քաղաքացիներին եւ ձեռնարկություններին աջակցելու ծրագրեր, այդ թվում՝ ժամանակավոր կացարան, տան վերանորոգում եւ ցածր տոկոսադրույքով վարկեր` գույքային կորուստները վերականգնելու համար:
Սպիտակ տունը դաշնային միջոցներ կտրամադրի Համֆրիս շրջանի տուժած բնակիչներին, ինչպես նաեւ տեղական իշխանություններին եւ շրջանի որոշ ոչ առեւտրային կազմակերպություններին՝ արտակարգ իրավիճակների դեպքում պաշտպանական միջոցներ ձեռնարկելու համար:
Տեղական WKRN հեռուստաալիքը հայտնել է, որ ջրհեղեղի հետեւանքով զոհվել է առնվազն 22 մարդ, տասնյակ մարդիկ համարվում են անհետ կորած: Նահանգում շարունակվում են որոնողափրկարարական աշխատանքները:
Թենեսիում ջրհեղեղի պատճառ են դարձել հորդառատ անձրեւները, որոնք օգոստոսի 20-ից տեղում են որոշ քաղաքներում՝ գերազանցելով ամենօրյա տեղումների ռեկորդը: Թենեսի նահանգի արտակարգ իրավիճակների կառավարման գործակալությունը հայտարարել է ջրհեղեղի հետեւանքով առաջացած վտանգի երրորդ աստիճանի մասին եւ բնակիչներին կոչ է արել մեքենաներ չվարել ու խուսափել հեղեղված ճանապարհներից:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Իրանի հարստացված ուրանի պաշարները միջուկային օբյեկտների փլատակներում են
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Եվրամիությունը չի հասկանում Իրանում պատերազմի նպատակները. Կալաս
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները