Աֆղանստանի՝ «Թալիբան»-ի վերահսկողությունից դուրս գտնվող վերջին նահանգը մտադիր է հանձնվել
Փանջշերի դիմադրության առաջնորդներից Ահմադ Մասուդը տարբերակներ է փնտրում թալիբների հետ հակամարտությունը լուծելու համար, գրում է The Telegraph-ը:
Աշխարհազորայինները մտադիր են սկսել կապիտուլյացիայի շուրջ բանակցությունները՝ ռեսուրսների եւ միջազգային աջակցության բացակայության պատճառով, ասել է Մասուդի խորհրդականը:
«20-ամյա պատերազմից հետո բոլորը հոգնել են Աֆղանստանից, ոչ ոք չի ցանկանում զենք ուղարկել դիմադրության շարժմանը: Փանջշերը չի կարող պայքարել թալիբների դեմ, նրանց ուժերը գերազանցում են մերը: Հիմա 80-90 -ականները չեն, այժմ թալիբները փորձառու մարտիկներ ունեն: իրավիճակն այժմ ակնհայտորեն դեմ է Փանջշերին: Կարծում եմ, որ այն կդիմակայի երկու-երեք ամիս, իսկ հետո կգա ձմեռը»,- ասել է աղբյուրը:
Ըստ խորհրդականի՝ Մասուդը մտադիր է հանձնվել, սակայն «պահպանել պատիվը»: Հաշվի առնելով հոր հեղինակությունը (Ահմադ Շահ Մասուդը, ով հայտնի էր թալիբների դեմ հաջող պայքարով), իշխանության հանձնումը նշանակալի հաղթանակ կլիներ թալիբների համար:
Կիրակի թալիբները չորս ժամ ժամանակ էին տվել տեղական դիմադրության առաջնորդ Ահմադ Մասուդին՝ 20 տարի առաջ ահաբեկիչների կողմից սպանված հակաթալիբանյան հյուսիսային դաշինքի առաջնորդ Ահմադ Շահ Մասուդի որդուն: Ի պատասխան՝ Մասուդն ասել էր, որ Փանջշերը կանգուն կմնա, եւ դրա բնակիչները պատրաստ են դիմակայել, ինչպես խորհրդային ռազմական ներկայության ժամանակ: Մասուդը հաստատել է նաեւ արեւմտյան ԶԼՄ-ների տեղեկությունները, որոնք հայտնում են, որ բացի տեղական տաջիկ աշխարհազորայիններից, նրա հրամանատարության տակ կան զինվորներ, ովքեր զենքով ժամանել են Աֆղանստանի այլ շրջաններից, այդ թվում՝ հատուկ ջոկատայինները:
Օգոստոսի առաջին տասնօրյակում թալիբներն ուժեղացրեցին գորհն Աֆղանստանում կառավարական ուժերի դեմ, օգոստոսի 15-ին զինյալները մտան մայրաքաղաք եւ վերահսկողություն հաստատեցին նախագահական պալատի վրա: 16-ի գիշերը Նաիմը հայտարարեց, որ պատերազմն Աֆղանստանում ավարտված է, եւ նահանգի կառավարման ձեւը պարզ կդառնա մոտ ապագայում: