«Օրենքով գողերը» վիճել են՝ չվճարված խաղային պարտքի մասին բամբասանքի պատճառով
43-ամյա Արտյոմ Սարգսյանը (Արտյոմ Սարատովսկի) վիճել է 37-ամյա Հայկ Սարգսյանի (Աստրախանցի Հայկո) հետ՝ չվճարված խաղային պարտքի մասին բամբասանքի պատճառով: Այս մասին հայտնում է «Փրայմ Քրայմ» պարբերականը։
Նրանք հարաբերությունները պարզում էին Լեհաստանում, որտեղ բնակվում է Հայկոն, քրեական աշխարհի այլ հեղինակավոր ներկայացուցիչների՝ Մամուլոյի, Սոպոտիայի, Վաթիայի, Կորսագիայի և Լևան Պերաձեի ներկայությամբ։ Արտյոմը Հայկոյից ներողություն է պահանջել, բայց նա հրաժարվել է: Մնացած գողերը դատապարտել են նրան, քանի որ նա իրավունք չունի չարախոսել օրենքով գողի հասցեին: Արտյոմը Հայկոյին ասել է, որ նա գող չէ և պատրաստակամություն է հայտնել իր կարծիքը հիմնավորել «սխոդկայի» ժամանակ։
Օրենքով գողեր Մանչոն, Տուգուշին և Լևան Աբուլաձեն ապարդյուն համոզում էին Արտեմին հետ կանչել Հայկոյի վերաբերյալ իր որոշումը։ Նրա վրա հաջողվել է ազդել միայն Էդիկ Ասատրյանին, ով Հայկոյին նախապես համոզել է մեղայականով գալ Արտեմի մոտ։
Նրա ճնշման տակ Արտյոմը ներել է Հայկոյին իր հասցեին չմտածված քայլի համար և սպառնացել պոկել ցանկացած մեկի լեզուն, ով կրկին կխոսի մտացածին պարտքի մասին։
Գողերի վեճի նախապատմությունը տեղի է ունեցել երկու ամիս առաջ Հունաստանում՝ հավաքատեղիում։ Կամոն Գիա Ցվարաձեի եւ Ջավիդի հետ զրույցում հիշեցրել է Արտյոմի իբր չվճարված պարտքի մասին: Այս բամբասանքը հասել է Հայկոյին, ով կիսվել է Արտյոմի հետ, իսկ վերջինս կոպիտ ձևով ապացույցներ է պահանջել։ Կամոն և Ցվարաձեն հրաժարվել են իրենց խոսքերից, երբ Հայկոն դիմել է նրանց։
Նկարում՝ Արտյոմ Սարգսյանը (ձախից) և Հայկ Սարգսյանը (աջից)