Մոսկվայում զանգվածային ծեծկռտուք հայերի և ուզբեկների միջև
Մոսկվայի շինարար ներգաղթյալների մասնակցությամբ զանգվածային ծեծկռտուք է տեղի ունեցել, ձերբակալվել են Հայաստանի ու Ուզբեկստանի քաղաքացիներ։ Միջադեպը տեղի է ունեցել ուրբաթ գիշերը Մարեսևի փողոցում գտնվող շինհրապարակում` «Նեկրասովկա» մետրոյի կայարանի մոտերքում:
Այս մասին հաղորդում է РЕН ТВ-ին։ Ծեծկռտուքին մասնակցել է շուրջ 20 մարդ։ Հաղորդվում է, որ իրավապահ մարմինների աշխատակիցները, մինչև հանգամանքների պարզումը, բերման են ենթարկել Ուզբեկստանի 7 և Հայաստանի 2 քաղաքացու:
Ծեծկռտուքի հանգամանքներն ու պատճառները պարզվում են: Տուժածների մասին տվյալներ չեն հաղորդվում։