Էնդրու Շոֆերը պաշտոնապես հայտարարվեց ԵԱՀԿ-ի Մինսկի խմբի համանախագահ
Միացյալ Նահանգները ողջունում է Լեռնային Ղարաբաղի հարցով ԵԱՀԿ-ի Մինսկի խմբի համանախագահի պաշտոնում Էնդրու Շոֆերի նշանակման փաստը։ Այս մասին ասված է ԱՄՆ-ի Պետդեպարտամենտի խոսնակ Հեդըր Նոուերթի կողմից օգոստոսի 28-ին հրապարակված հայտարարության մեջ, հաղորդում է «Ամերիկայի ձայնը»:
Հայտարարությունում ասված է, որ Շոֆերը Եվրոպայի ու միջազգային կազմակերպությունների հարցերով ունի մեծ փորձառություն, որը մինչեւ այս պաշտոնին նշանակվելը եղել է Վիեննայի Միջազգային կազմակերպություններում ԱՄՆ-ի առաքելությունում գործերի ժամանակավոր հավատարմատարը։
2Օ15 թվականի օգոստոս ամսից մինչեւ 2017-ի հունվարը նա զբաղեցրել է այս կազմակերպությունում ԱՄՆ-ի առաքելության փոխնախագահի պաշտոնը։ Մինչ այդ՝ 2Օ14-ից մինչեւ 2Օ15-ի օգոստոսը Շոֆերը ծառայել է այս կազմակերպությունում որպես Ատոմային էներգետիկայի միջազգային գործակալությունում խորհրդական։
Մինչեւ Վիեննայի միջազգային կազմակերպություններում ԱՄՆ-ի առաքելությունում ծառայելը, Էնդրու Շոֆերը 2011-ից 2014 թվականներին զբաղեցրել է Կիպրոսում ԱՄՆ-ի փոխդեսպանի պաշտոնը, աշխատել Քուվեյթում, Բահրեյնում ու Ռուսաստանում ԱՄՆ-ի դեսպանություններում։
Մինչ այդ, Վաշինգտոնում իր գործունեության ընթացքում Շոֆերը պաշտոններ է զբաղեցրել Պետդեպարտամենտի Իրաքյան բաժնում, եղել փոխպետքարտուղարի քաղաքական հարցերով հատուկ օգնականը։ Այստեղ նրա պարտականությունները տարածվել են Մերձավոր Արեւելքի եւ հակաահաբեկչության հետ կապված խնդիրների վրա։
Պետդեպարտամենտի կողմից օգոստոսի 28-ին հրապարակված հայտարարության մեջ ասված է, թե Միացյալ Նահանգները հավատարիմ է մնում Մինսկի խմբի կողմից ստանձնած պարտավորությունների իրականացմանը եւ Լեռնային Ղարաբաղի հակամարտությանը խաղաղ ու հարատեւ լուծում գտնելու գործին։
«Ինչպես նշված է հունիսի 19-ի ու հուլիսի 6-ի հայտարարություններում, Միացյալ Նահանգներն աջակցում է արդար այնպիսի լուծում գտնելու ջանքերը, որոնք հիմնված կլինեն միջազգային օրենքների, այդ թվում՝ Հելսինկիի եզրափակիչ ակտի վրա, որոնք ներառում են ուժ չկիրառելու, տարածքային ամբողջականությունը եւ ինքնորոշման իրավունքը հարգելու սկզբունքները», ասված է հայտարարության մեջ։
Հայտարարությունը տեղեկացնում է նաեւ, որ Էնդրու Շոֆերին այս պաշտոնում նշանակելու մասին որոշումն ուղարկվել է Հայաստանի ու Ադրբեջանի կառավարություններին։
Էնդրու Շոֆերը ԵԱՀԿ-ի Մինսկի խմբում ԱՄՆ-ը ներկայացնող համանախագահի պարտականությունները ստանձնում է անմիջապես այս հայտարարության հրապարակման պահից։
Եվրամիությունը չի հասկանում Իրանում պատերազմի նպատակները. Կալաս
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Արսեն Զախարյանի տրանսֆերային արժեքն աճել է
Պետական արգելոցի ֆոտոթակարդները կրկին նկարահանել են կովկասյան ընձառյուծին